December Yin Khwin

By Tekkatho Moe War (Saya U Moe Aung)

” ဒီဇင်ဘာ ရင်ခွင် ”

ရင်ခွင်ဟာ….

တာရှည် ပွေ့ပိုက်၊ တစ်ခိုက်တစ်ခဏ မဟုတ်။

သည် ရင်ခွင်ဟာ…

ဝင်ကာမျှနဲ့၊ စာနာမဲ့ ဘိအေးတိ အေးစက်၊

လေထွက် လေဝင်အသက်ငင်စေ….။

သည် ရင်ခွင်ဟာ..

ထာဝရ အနွေး၊ ထွေးထွေး

ယယုပြုစု အစဥ်အဆက်၊ လေထွက် လေဝင်

အသက်ရှင်စေ၊ ပန်းရနံ့ဝေ ပျံ့….။

ဒီဇင်ဘာရင်ခွင်ထဲ…..

မစဲ ဝင်လာ၊ ဖွေရှာ တစ်လီ

ပန်းချီစုတ်ချက်၊ ရောင်စုံစွက်တဲ့

သက်တံ မိုးခုံး၊ အဆုံးထိမြင်

ခရီးနှင်ကြ၊ ဓမ္မတရား

ဘက်သားတို့ အောင်ပွဲနွှဲဆင်ကြစို့။

ဒီဇင်ဘာရင်ခွင်….

လွင်ပြင် ပတ်လွှံ့၊ ဆန့်ဖျန်း နှင်းဖွေး

အနွေးဓာတ်တွေ လွှမ်းခြုံနေ…။ ။

တက္က သို လ် မိုးဝါ

၁ ဒီဇင်ဘာ ၂၀၂၁(နံနက်- ၉ နာရီ)