လွမ်းစရာ့ဆောင်း

တက္ကသိုလ် မိုးဝါ Tekkatho Moe War

အာအိုင်တီ၏ နာမည်ကျော် ပန်းချီဆရာ မြတ်မျိုးမြင့် ၏ လက်ရာအား အသုံးပြု ထားကြောင်း ဝန်ခံပါသည်။

” လွမ်းစရာ့ဆောင်း “

အတိတ်အကြောင်းတွေကြောင့်
စိတ်မကောင်းဖြစ်မိတယ်။

မေ့ပြီအထင်နဲ့…
အထင်အမြင် ကောက်ချက်လွဲခဲ့ရ
အကဲပို နွှဲလိုစိတ်ကပြင်းတာမို့
ငြင်းဖို့ မလွယ်။

တပည့်တို့ရယ်…
အမျှင်တွယ်မိ အထောင်အသောင်း။

ဆောင်းအနှောင်း…
ပြောင်းကောင်းတိုင်း မပြောင်းပါစေချင်
သည်းရင်ပြင် ရွက်ကြွေတောတွေလို
အခက်မပွေ အမောပြေယောင်မဆောင်ချင်ဘု
အသက်ရှည် တပည့်တွေနဲ့ ဖွဲ့နှောင်နေချင်တဲ့
(တပည့်တို့ရေ…)
အထင်ကရ လွမ်းစရာ့ဆောင်း။ ။

တက္ကသိုလ် မိုးဝါ

၂၀ -၁ -၂၀၁၆

(နံနက်ခင်း – ၁၀း၃၀ နာရီ)